MOS VONO

Anulimet, rimbursimet dhe ankesat

Përditësuar: 10 nëntor 2026

Anulimi para fillimit

Përdor kërkesën e anulimit në task dhe njofto palën tjetër sa më herët. Kur tarifa e lidhjes është ende e papaguar, pagesa e saj mbyllet. Kur tarifa është paguar, ajo i kthehet klientit e plotë nëse anulimi është me faj të realizuesit ose pa faj, dhe mbahet nga MOS VONO nëse anulimi është me faj të klientit dhe jashtë dritares së lirë të shpallur në aplikacion.

Duke pranuar një ofertë, klienti kërkon shprehimisht që shërbimi të nisë para se të mbarojë afati 14-ditor i tërheqjes, dhe pranon se e humbet të drejtën e tërheqjes pasi shërbimi të jetë kryer plotësisht (Ligji nr. 9902/2008 “Për mbrojtjen e konsumatorëve”). Këto deklarata konfirmohen veçmas në çastin e pranimit, dhe MOS VONO regjistron versionin e tyre dhe kohën e konfirmimit.

Puna e nisur ose e përfunduar

Klienti ia paguan punën realizuesit drejtpërdrejt, ndaj MOS VONO nuk e mban dhe nuk e kthen atë pagesë: për çmimin e punës palët merren vesh mes tyre. MOS VONO shqyrton punën e kryer, komunikimin, provat dhe marrëveshjen e palëve kur hapet një raport, dhe mund të kërkojë informacion shtesë. Të drejtat e konsumatorit nuk preken.

Si kryhet rimbursimi

Rimbursimi në platformë ka të bëjë vetëm me tarifën e lidhjes. MOS VONO e kthen tarifën me dorë, përmes POK-ut (ose Paysera-s, për tarifat e nisura para 9 nëntorit 2026), dhe klienti njoftohet kur kthimi kryhet. Afati bankar nuk kontrollohet nga MOS VONO. Kundërshtimi i vetë tarifës së lidhjes pranohet brenda 14 ditëve nga pagesa e saj: Mbështetja e regjistron kërkesën dhe ia përcjell administratorit të MOS VONO, i cili e vendos.

Chargeback

Nëse klienti kërkon nga banka kthimin e tarifës së lidhjes, rasti mund të rihapet dhe shqyrtohet sipas provave, marrëveshjes dhe ligjit.

Dëm, cilësi ose mosmarrëveshje

Hap raport nga task-u ose ticket nga Mbështetja. Përfshi datën, përshkrimin, komunikimin dhe foto ose dokumente relevante. Synojmë përgjigje fillestare brenda një dite pune; zgjidhja mund të kërkojë më shumë kohë.

Kontakt

support@mosvono.al · +355 68 499 4900